इमाव प्रवर्गाच्या विद्यार्थ्यांना मॅट्रिकोत्तर शिष्यवृत्ती

योजनेचा प्रकार

:शैक्षणिक

लाभार्थी

शासकीय / अनुदानित / विना- अनुदानित संस्थेतून व्यावसायिक अभ्यासक्रम आणि बिगर-व्यावसायिक अभ्यासक्रमास प्रवेश घेतलेल्या मुलांना व बिगर व्यावसायिक अभ्यासक्रमास विना- अनुदानित संस्थेतून प्रवेशित मुलींना शिक्षण शुल्क, परीक्षा शुल्क आणि देखभाल भत्ता यांचा लाभ देण्यात येतो.

लाभ

सदर योजनेअंतर्गत शिक्षण शुल्क निर्धारण समिती (FRA) / सक्षम प्राधिकरणाने निर्धारित केल्याप्रमाणे शिक्षण शुल्क, परीक्षा शुल्क आणि देखभाल भत्ता व लागू असल्यास इतर शुल्क यांचा लाभ संबंधित विद्यार्थी / शिक्षण संस्था यांना देण्यात येतो.
पात्र इमाव प्रवर्गातील विद्यार्थ्यांना खालीलप्रमाणे देखभाल भत्ते प्रदान केलेलं जातात :

1. अर्जदाराने गट अ निवडल्यास – होस्टेलर रु. ४२५/- दरमहा आणि डे स्कॉलर रु. १९०/- दरमहा (कालावधी – प्रवेशाच्या तारखेपासून ते परीक्षेच्या तारखेपर्यंत)
2. अर्जदाराने गट ब निवडल्यास – होस्टेलर रु. २९०/- दरमहा आणि डे स्कॉलर रु. १९०/- दरमहा (कालावधी – प्रवेशाच्या तारखेपासून ते परीक्षेच्या तारखेपर्यंत)
3. अर्जदाराने गट क निवडल्यास – होस्टेलर रु. २९०/- दरमहा आणि डे स्कॉलर रु. १९०/- दरमहा (कालावधी – प्रवेशाच्या तारखेपासून ते परीक्षेच्या तारखेपर्यंत)
4. अर्जदाराने गट ड निवडल्यास – होस्टेलर रु. २३०/- दरमहा आणि डे स्कॉलर रु. १२०/- दरमहा (कालावधी – प्रवेशाच्या तारखेपासून ते परीक्षेच्या तारखेपर्यंत)
5. अर्जदाराने गट ई निवडल्यास – होस्टेलर रु. १५०/- दरमहा आणि डे स्कॉलर रु. ९०/- दरमहा (कालावधी – प्रवेशाच्या तारखेपासून ते परीक्षेच्या तारखेपर्यंत)
6. शासकीय / अनुदानित संस्थेतून व्यावसायिक अभ्यासक्रम आणि बिगर-व्यावसायिक अभ्यासक्रमास प्रवेश घेतलेल्या इमाव प्रवर्गातील मुलांना शिक्षण शुल्क आणि परीक्षा शुल्क यांचा 100% लाभ मिळतो.
7. खाजगी / विना-अनुदानित संस्थेतून व्यावसायिक आणि बिगर-व्यावसायिक अभ्यासक्रमासाठी प्रवेश घेतलेल्या मुलांना शिक्षण शुल्क आणि परीक्षा शुल्क यांचा 50% लाभ प्रदान करण्यात येईल.
8. खाजगी / विना-अनुदानित संस्थेतून बिगर-व्यावसायिक अभ्यासक्रमासाठी प्रवेश घेतलेल्या मुलींना शिक्षण शुल्क, परीक्षा शुल्क यांचा ५०% परतावा आणि देखभाल भत्त्याचा १००% लाभ प्रदान करण्यात येईल.
9. शासकीय वसतिगृहात प्रवेश मिळालेल्या विद्यार्थ्यांना एकूण शुल्क रक्कमेच्या फक्त एक तृतीयांश रक्कमेचा परतावा प्राप्त होईल.
10. खाजगी विना-अनुदानित संस्थेत शिकणाऱ्या इमाव प्रवर्गातील विद्यार्थ्यांना केवळ बिगर व्यावसायिक अभ्यासक्रमासाठी शासकीय अनुदानित संस्थेतील शुल्क संरचनेवर आधारित शुल्क परतावा प्रदान करण्यात येईल.
11. अर्जदार विशिष्ट व्यावसायिक / बिगर-व्यावसायिक अभ्यासक्रमात शिकत असेल, आणि त्या शैक्षणिक अभ्यासक्रमासाठी त्याला / तिला शिष्यवृत्ती / freeship मिळाल्यानंतर त्याच शैक्षणिक वर्षात काही कारणास्तव त्याने / तिने वर्तमान व्यावसायिक / बिगर-व्यावसायिक अभ्यासक्रम बदलून घेतल्यास त्या अभ्यासक्रमासाठी शिष्यवृत्ती / freeship प्रदान केली जाणार नाही.
12. बी.एड आणि डी.एड अभ्यासक्रमांसाठी : या अभ्यासक्रमांसाठी प्रवेश घेतलेल्या विद्यार्थ्यांना १००% लाभ प्रदान करण्यात येईल. (शिक्षण शुल्क, परीक्षा शुल्क आणि देखभाल भत्ता). अनुदानित, विना अनुदानित संस्थेतून डी.एड आणि बी.एड अभ्यासक्रम शिकणाऱ्या विद्यार्थ्यांना संबंधित अभ्यासक्रमासाठी शासकीय नियमानुसार असलेले शुल्क संरचनेप्रमाणे शुल्क परतावा प्रदान करण्यात येईल.

टीप: अर्जदाराने कोणत्याही महिन्याच्या २० तारखेपर्यंत प्रवेश घेतला असेल, तरच त्याला त्या महिन्याचा देखभाल भत्ता प्रदान केला जाईल. अन्यथा देखभाल भत्ता पुढील महिन्यापासून अनुज्ञेय राहील.

कोणाकडे अर्ज करावा

लाभार्थी:

वर नमूद केल्याप्रमाणे

फायदे:

वर नमूद केल्याप्रमाणे