महाराष्ट्र राज्य इतर मागासवर्गीय वित्त व विकास महामंडळ
प्रस्तावना
इतर मागासवर्गीय समाजाच्या सर्वांगिण विकासासाठी व आर्थिक उन्नतीसाठी प्रयत्न करण्याकरिता समाज कल्याण, सांस्कृतिक कार्य व क्रीडा विभाग, शासन निर्णय क्र. इमाव 1096/प्र.क्र.395/विघयो-2, दिनांक 25.09.1998 अन्वये “महाराष्ट्र राज्य इतर मागासवर्गीय वित्त व विकास महामंडळ” ची स्थापना करण्यास मान्यता देण्यात आली.
| अनुक्रमांक | पद | भूमिका |
|---|---|---|
| 1 | मा. मंत्री, इतर मागास बहुजन कल्याण | पदसिद्ध अध्यक्ष |
| 2 | मा. राज्यमंत्री, इतर मागास बहुजन कल्याण | उपाध्यक्ष |
| 3 | अपर मुख्य सचिव / प्रधान सचिव / सचिव, इतर मागास बहुजन कल्याण विभाग | संचालक |
| 4 | सह सचिव, कल्याण मंत्रालय, भारत सरकार, नवी दिल्ली | संचालक |
| 5 | संचालक, इतर मागास बहुजन कल्याण संचालनालय, पुणे | संचालक |
| 6 | सहकार आयुक्त व निबंधक, पुणे | संचालक |
| 7 | प्रतिनिधी, महाराष्ट्र राज्य सहकारी बँक, मुंबई | संचालक |
| 8 | व्यवस्थापकीय संचालक, राष्ट्रीय मागासवर्ग वित्त आणि विकास महामंडळ, नवी दिल्ली | संचालक |
| 9 | व्यवस्थापकीय संचालक, महाराष्ट्र राज्य इतर मागासवर्गीय वित्त आणि विकास महामंडळ, मुंबई | संचालक तथा व्यवस्थापकीय संचालक |
| 10 | अशासकीय सदस्य – 6 | संचालक |
उपकंपनीचे कार्य
- राज्यातील इतर मागास प्रवर्गाच्या कल्याण व विकासासाठी काम करणे.
- इतर मागास प्रवर्गातील व्यक्तींना अल्प व्याज दराने स्वयंरोजगाराकरिता कर्ज उपलब्ध करुन देणे व त्याची वसूली करणे.
- त्यांची आर्थिक स्थिती सुधारण्यासाठी पतसाधने, साधनसामुग्री आणि तांत्रिक व व्यवस्थापकीय साधने पुरविणे.
- कृषी उत्पादने, वस्तू, साहित्य आणि सामुग्री यांची निर्मिती, जुळवणी व पुरवठा यासाठी आवश्यक वाटतील अशा सेवा देणे.
- राज्यातील इतर मागास प्रवर्गाच्या कल्याणासाठी योजना सुरु करणे आणि त्यांना चालना देणे व योजनासाठी अहवाल तयार करणे.
- या महामंडळाकडून पुढील योजना राबविल्या जातात:
- 20% बीज भांडवल योजना
- रु. 01.00 लक्षपर्यंतची थेट कर्ज योजना
- वैयक्तिक कर्ज व्याज परतावा
- गट कर्ज व्याज परतावा योजना रु. 10.00 लक्ष ते रु. 50.00 लक्ष
- शैक्षणिक कर्ज व्याज परतावा योजना
- कौशल्य विकास प्रशिक्षण योजना
- महिला स्वयंसिद्धी व्याज परतावा योजना