वसंतराव नाईक विमुक्त जाती व भटक्या जमाती विकास महामंडळ

प्रस्तावना

समाज कल्याण, सांस्कृतिक कार्य, क्रीडा व पर्यटन विभाग, शासन निर्णय क्र. व्हीजेडब्यू 1083/85/का-7, दिनांक 01.10.1983 अन्वये विमुक्त जाती, भटक्या जमाती व विशेष मागास प्रवर्गाच्या सर्वांगिण विकासासाठी व आर्थिक उन्नतीसाठी प्रयत्न करण्याकरिता “वसंतराव नाईक विमुक्त जाती व भटक्या जमाती विकास महामंडळ (मर्या.)” ची स्थापना करण्यात आली.

कंपनीची रचना

अनुक्रमांक	पद	भूमिका
1	मा. मंत्री, इतर मागास बहुजन कल्याण	पदसिद्ध अध्यक्ष
2	मा. राज्यमंत्री, इतर मागास बहुजन कल्याण	उपाध्यक्ष
3	अपर मुख्य सचिव / प्रधान सचिव / सचिव, इतर मागास बहुजन कल्याण विभाग	संचालक
4	संचालक, इतर मागास बहुजन कल्याण संचालनालय, पुणे	संचालक
5	सह सचिव / उप सचिव, इतर मागास बहुजन कल्याण विभाग, मंत्रालय, मुंबई	संचालक
6	व्यवस्थापकीय संचालक, वसंतराव नाईक विमुक्त जाती व भटक्या जमाती विकास महामंडळ, मुंबई	संचालक तथा व्यवस्थापकीय संचालक
7	अशासकीय सदस्य – 3	संचालक

कंपनीचे कार्य

• राज्यातील विमुक्त जाती व भटक्या जमाती प्रवर्गाच्या कल्याण व विकासासाठी काम करणे.
• विमुक्त जाती व भटक्या जमाती प्रवर्गाच्या व्यक्तींना अल्प व्याज दराने स्वयंरोजगाराकरिता कर्ज उपलब्ध करुन देणे व त्याची वसूली करणे.
• त्यांची आर्थिक स्थिती सुधारण्यासाठी पतसाधने, साधनसामुग्री आणि तांत्रिक व व्यवस्थापकीय साधने पुरविणे.
• कृषी उत्पादने, वस्तू, साहित्य आणि सामुग्री यांची निर्मिती, जुळवणी व पुरवठा यासाठी आवश्यक वाटतील अशा सेवा देणे.
• राज्यातील विमुक्त जाती व भटक्या जमाती प्रवर्गाच्या कल्याणासाठी योजना सुरु करणे आणि त्यांना चालना देणे व योजनासाठी अहवाल तयार करणे.
• या महामंडळाकडून पुढील योजना राबविल्या जातात:
  • 25% बीज भांडवल योजना
  • रु. 01.00 लक्षपर्यंतची थेट कर्ज योजना
  • वैयक्तिक कर्ज व्याज परतावा योजना
  • गट कर्ज व्याज परतावा योजना